O 20% das estradas andaluzas son letais para o lince

Preto do 20% das estradas andaluzas, unha de cada cinco, supón un alto risco para o lince ibérico, unha especie cuxo área de distribución aumentou nos últimos anos, polo que os puntos negros de mortalidade, tamén aumentaron, segundo un estudo realizado pola Universidade Complutense de Madrid. Os investigadores realizaron un algoritmo capaz de conxugar variables como a intensidade do tráfico, a velocidade media ou o tipo de vexetación próxima e conclúe que o 18,9% dos quilómetros avaliados en Andalucía son "de alto risco" para a especie. O algoritmo reduce o tempo e os custos e aumenta a precisión respecto ao traballo de campo clásico, xa que a partir de variables, como a velocidade media dos vehículos en cada tramo, o tipo de hábitat que atravesen as estradas ou a intensidade do tráfico nelas. O algoritmo MaxEnt, utilizado desde hai unha década para a predición da distribución das especies, determina que puntos son máis perigosos para o felino. O estudo, que foi publicado en Animal Biodiversity and Conservation, determina que dos 7.384 quilómetros avaliados ao longo da xeografía andaluza, 1.395(o 18,9%) son cualificados como de alto risco. En concreto, a análise destaca o gran número de tramos potencialmente perigosos identificados na contorna de Doñana, que están a ser rectificados no contexto dos proxectos europeos LIFE de conservación de Lince ibérico; as áreas de serra de Huelva e Sevilla e o tramo da A4 á altura de Andújar. O autor principal do traballo e investigador do grupo Bioloxía Evolutiva e da Conservación da UCM e do proxecto LIFE+ Iberlince, Germán Garrote, explicou que o modelo indica outro tramo da mesma autovía, ao seu paso por La Carolina e Santa Elena, unha boa predición, xa que recentemente comezaron a detectarse atropelos neste lugar". O traballo é unha primeira aproximación, segundo admite a UCM, que considera a potencialidade do algoritmo desta aplicación como "prometedora" polos seus artífices.