Aves de campos de cultivo gravemente ameazadas

Tras 15 anos facendo o seguimento de especies ameazadas que habitan a península ibérica, investigadores do Museo Nacional de Ciencias Naturais ( MNCN-CSIC) comprobaron que as aves dos campos de cultivo tamén se extinguen nas zonas protexidas que integran a Rede Natura 2000. A Política Agraria Común (PAC) aposta por unha agricultura intensiva que entra en conflito directo cos obxectivos e medidas para a conservación da biodiversidade. “As poboacións de aves dos campos de cultivo da Rede Natura 2000 están a extinguirse de igual modo que en zonas non protexidas porque a intensificación agrícola tamén afecta a estas áreas que supostamente hai que preservar”, gabia Carlos Palacín do MNCN, e coautor do estudo publicado en Journal of Nature Conservation. Durante os seus anos de seguimento, Juan Carlos Alonso e Carlos Palacín estudaron especies ameazadas nunha Zona de Especial Protección para as Aves ( ZEPA) e os resultados indican unha grave diminución das poboacións estudadas. Anualmente rexistraron declives do 7,5 % no sisón ( Tetrax tetrax), do 6,9% no aguilucho cenizo ( Circus pygargus), o 6,1% na ganga ortega ( Pterocles orientalis), e do 1% na avutarda ( Otis tarda).