UN VERÁN SEN XEO NO ÁRTICO

O cambio climático crea 'gañadores' e 'perdedores' no mar.

Mentres algunhas plantas parecen adaptarse aos seus efectos, outras ven ameazadas pola proliferación de herbívoros causada pola sobrepesca.

O aumento da temperatura da auga do Mediterráneo, a causa do quecemento global, está a crear claros “gañadores” e “perdedores” entre as especies vexetais que actualmente dominan estas augas. Algunhas comunidades de algas mediterráneas enfróntanse ao risco de sufrir o impacto do herbivorismo, cousa que podería minguar aínda máis as súas poboacións, segundo un recente estudo publicado en revístaa Marine Pollution Bulletin. Doutra banda, o estudo, desenvolvido por investigadores do Centro de Estudos Avanzados de Blanes (CSIC), a Universidade de Barcelona ( Departament de Biologia Evolutiva, Ecologia i Ciències Ambientals e Institut de Recerca da Biodiversitat), o Instituto Mediterráneo de Estudos Avanzados (CSIC- UIB), a Oregon State University (USA), a Deakin University (Australia), a Nature Conservation Foundation (India) e a Bangor University ( Gales, Reino Unido), é moderadamente optimista en canto ás praderías de plantas mariñas como as de posidonia, xa que no seu caso o impacto manteríase estable ou mesmo podería diminuír. Os resultados dos experimentos realizados mostran que a presión do herbivorismo sobre as dúas especies de plantas manteríase similar co quecemento global. Mesmo podería chegar a reducirse esta presión, xa que ditas plantas mariñas producen máis compostos tóxicos ou desagradables para os herbívoros cando crecen en augas cálidas.