A maior batería do mundo

A compañía tecnolóxica Tesla construirá en 100 días un sistema para almacenar electricidade xerada por un parque eólico do sur de Australia

Un parque eólico do sur de Australia acollerá a batería de ion-litio máis grande do mundo. Construiraa Tesla Energy, a división especializada da marca de automóbiles eléctricos de gama alta que dirixe o polifacético e controvertido magnate surafricano Elon Musk. O dispositivo almacenará a enerxía producida polos aeroxeradores da planta enerxética impulsada polo vento de Hornsdale, no estado de Australia Meridional.
En realidade non se tratará dunha soa e colosal pila de almacenamento, senón de 24 bloques aliñados do tamaño dun colector marítimo, cunha capacidade de 100 megawatts, coa que Musk presentouse ao concurso convocado polas autoridades do estado sureño para lograr unha maior seguridade na subministración enerxética despois de que a zona sufrise varios apagamentos masivos durante os últimos tempos. En setembro do ano pasado unha forte tormenta danou infraestruturas esenciais e deixou sen luz a máis dun millón e medio de persoas. O último episodio tivo lugar en febreiro, durante unha dura onda de calor.

A zona sofre graves apagamentos causados por fortes tormentas e ondas de calor
Ao anunciar o proxecto, Musk asegurou que "será o sistema de electricidade por baterías máis grande do mundo por un factor de tres", é dicir, tres veces máis potente que o maior actualmente en funcionamento. Tesla dotou dun dispositivo similar a unha subestación eléctrica da compañía Southern California Edison en Mira Lomba (California, Estados Unidos) pero a súa capacidade de almacenamento é de 20 megawatts. O seu gran rival tecnolóxico AES está a construír desde 2014 unha estación capaz de producir 300 megawatts preto da localidade tamén californiana de Long Beach, pero o final das obras aínda parece afastado.

En cambio, o empresario surafricano garantiu ás autoridades do sur de Australia una extremada rapidez na súa construción da infraestrutura: "Tesla terá o sistema instalado e funcionando en 100 días desde a firma do contrato ou o mesmo será gratis". Está previsto que as obras se inicien coincidindo co verán no hemisferio sur, e que o dispositivo sexa entregado en decembro á planta eólica, que xestiona a compañía francesa Neoen.